Casgliad: Crawia

Ysbrydolwyd y cynllun hwn gan y crawia llechi hyfryd ar hyd llwybrau ardal chwarelyddol gogledd orllewin Cymru. O edrych ar y gair ‘craw’ mewn geiriadur ceir y diffiniad hwn: Craw – a piece of waste slate. Dyma’r darnau wast; y gweiniaid ymysg y cryfion. Ond maen nhw yma o hyd. Mae rhai wedi disgrifio’r crawia fel creithiau. Ond gall craith neu'r amherffaith fod yn dlws a’r crawia hyn fu’n ysbrydoliaeth i ni greu cynllun tecstil i’w osod ar gysgodlen lamp. Dyma ein teyrnged ni i’r crawia ac i’r crefftwyr fu’n eu creu a’u gosod.

Mae gennym 10 lliw gwahanol ar ein gwefan, ond gellwch gysylltu â ni ac archebu Crawia cwbl unigryw yn eich dewis liw chi am gost ychwanegol o £8.